Prokuroria: Nuk u arrestua avokati Gazmend Halilaj, është intervistuar
Sot avokati Gazmend Halilaj, tha se është arrestuar nga si shenjë hakmarrje për raportimin se hetuesit e IPK-së i kanë dhënë një gazetareje dëshmi mbi privatësinë e 16 vjeçares nga Drenasi .
Lajme
Mirëpo, për këtë rast prokuroria ka reaguar ndaj medieve e jo ndaj personit që tha se ishte arrestuar. Prokuroria Themelore në Prishtinë ka thënë se avokati, Gazmend Halilaj, ka qenë i ftuar për intervistim dhe nuk është arrestuar, shkruan lajmi.net.
Mirëpo një status i Halilajt në llogarinë e tij në Facebook thoshte:
“Dje e raportova skandalin e radhes nga hetueist e ipk. Qe i dhane deshmi l gazetares se ktv-se, lidhur me privatsin e viktimes te rastit ne Drenas. Shenje hakmarrje te njejtit sot me arrestuan”, ka shkruar më parë Halilaj.
Tani statusi i avokatit Halilaj është larguar nga Facebooku i tij nuk dihen arsyet. Lajmi.net ka provuar në vazhdimësi të kontaktoj me avokatin, por kontakti me të deri tani ka qenë i pamundur.
Njoftimi i plotë i Prokurorisë:
Njoftim nga Prokuroria Themelore në Prishtinë, lidhur me lajmin e publikuar sot në media të ndryshme se është arrestuar avokati që mbrojti mësuesin nga Drenasi pas arrestimit nga Policia.
Për hir të informimit të drejtë e të saktë, ju njoftojmë se avokati, Gazmend Halilaj, ka qenë i ftuar për intervistim nga Prokuroria Themelore në Prishtinë, dhe nuk është arrestuar, siç kanë shkruar sot disa media.
Intervistimi i avokatit Halilaj, është në vazhdën e veprimeve hetimore, për shkak të rastit që jeni tashmë të gjithë në dijeni.
Po ashtu, Prokuroria e Prishtinës, ju njofton se për këtë çështje vendosim ne duke u bazuar në prova dhe fakte konform dispozitave ligjore, si dhe, në asnjë mënyrë nuk biem në ndikim të askujt, për asnjë rast e as për rastin në fjalë.
Andaj, kërkojmë nga të gjitha mediat mirëkuptim, që të mos publikojnë shkrime të pakonfirmuara nga Sistemi prokurorial e posaçërisht kur ka të bëjë me punën e prokurorëve, me të cilat e pengojnë dhe mund të dëmtojnë rrjedhën normale të hetimeve. /Lajmi.net/