Të gjithë këta faktorë bëjnë që lëkura të vuajë e para veprimin e tyre dhe t’i shpërfaqë ato nën formën e akneve, irritimeve, ndryshimeve të ngjyrës, plagëve etj, por në rastin e lëkurës së fytyrës shkaktarët e problematikave varen nga regjimi ushqimor e jo vetëm.

Zbuloni cilat janë tre problemet kryessore të saj dhe burimi i tyre:

1.Lëkurë e thatë: Ekspozimi në të ftohtë dhe të bërit dush me ujë shumë të nxehtë çojnë në shfaqjen provizore të lëkurës së thatë, por nëse ky problem vazhdon prej shumë kohësh bëni mirë të kontrolloni atë që hani. Regjimi i varfër ushqimor privon organizmin nga mineralet, vitaminat dhe lëndët e tjera ushqyese për të cilat ai ka nevojë. Duke qenë se lëkura është organi më i madh në trupin tonë, është e para që vuan shenjat e para të kequshqyerjes. Lëkura e thatë mund të jetë edhe shenjë e hipotiroidizmit dhe diabetit.

2.Lëkurë e skuqur: Skuqja e lëkurës ndodh kur ekspozoheni për kohë shumë të gjatë në diell ose në ndonjë burim tjetër nxehtësie, por jo vetëm. Konsumi i tepruar i pijeve me përmbajtje të lartë kafeine ndikon po ashtu në këtë gjendje të lëkurës. Kafeina dehidraton qelizat duke shkaktuar inflamim dhe skuqje të lëkurës.

3.Lëkurë e zbehtë: Nëse vini se lëkura juaj është më e zbehtë se zakonisht, mund të jetë një shenjë e mungesës së hekurit. Mundohuni të rrisni konsumin e ushqimeve të pasura me hekur, si mishi dhe bishtajoret. Mos harroni të merrni njëkohësisht vitaminë C, pasi kjo e fundit lehtëson përthitjen e hekurit. Lëkura e zbehtë tregon se mund të keni probleme me mëlçinë ose aneminë. Në këtë rast është e rëndësishme që të konsultoheni me një specialist sa më shpejt të jetë e mundur. /Lajmi.net/