Probleme për Januzajn
Adnan Januzaj nuk kaloi një verë të qetë. Për më tepër, as afati kalimtar nuk i solli lajme të mira sepse erdhi një menaxher me një sistem të ri të lojës dhe disa përforcime që ia kufizojnë edhe më shumë hapësirën për lojë.
Sport
Adnan Januzaj nuk është duke kaluar periudhën më të mirë të karrierës së tij në Manchester United. Ndryshimet e fundit në klub nuk kanë sjellë epilog të përshtatshëm për mesfushorin e talentuar.
Menaxheri i ri Louis van Gaal luan në sistemin 3-5-2 ose 3-4-1-2 në mënyrë që të rehatojë Wayne Rooneyn, Robin van Persien e Juan Matan. Por, ky është një lajm i keq për Januzajn, shkruan “Bleacher Report”.
19-vjeçari është shfrytëzuar si rezervist në tri role të ndryshme, mbrojtës i krahut, mesfushor qendror dhe numër 10. Megjithatë tani pas ardhjes së Angel Di Marias dhe Radamel Falcaos, hapësira për Januzajn në ekipin e Unitedit është edhe më e paqartë.
Si do të përfundojë krejt kjo, ose cila do të jetë zgjidhja, do ta shohim në vazhdim të sezonit.