Pro-rusët tentojnë të marrin aeroportin e Donjeckut

Forcat pro-ruse në lindje të Ukrainës janë duke bërë përpjekje për të marrë aeroportin e Donjeckut, i cili kontrollohet nga forcat qeveritare ukrainase.

Bota

02/10/2014 18:49

Një zëdhënës i ushtrisë së Ukrainës ka thënë se separatistët pro-rusë kanë vazhduar ofensivën që kanë nisur një ditë më parë, njofton REL. 

Sipas tij, rebelët janë duke përdorur tanke, artilerinë e rëndë dhe mortajat.

Aeroporti i Donjeckut ka qenë vazhdimisht në fokus të luftimeve, pavarësisht armëpushimit të arritur më 5 shtator.