“Sot në këtë dhomë unë kam vendosur që vendi im të drejtohet kah integrimi në fushën e sigurisë euro-atlantike”, tha Poroshenko duke folur në parlamentin e Polonisë.

Ndonëse e ka bërë këtë deklaratë, Poroshenko nuk e ka përmendur NATO-n në mënyrë recidive, raporton REL.

Por, Poroshenko ka shtuar se pas kthimit në Kiev ai do t’ia paraqesë parlamentit ukrainas një mocion për tu larguar nga statusi neutral.

Një ligj i miratuar në vitin 2010, në kohën kur Ukraina po drejtohej nga Viktor Janukoviq, e kishte përjashtuar mundësinë e anëtarësimit të Ukrainës në NATO.

Poroshenko tha  gjithashtu se ai do të paraqesë një kërkesë për anëtarësimin e Ukrainës në Bashkimin Evropian, në vitin 2020.