Presidenti slloven: Kosova ta ratifikojë demarkacionin dhe të zbatojë marrëveshjet e Brukselit

Presidenti i Sllovenisë, Borut Pahor së bashku me presidentin Thaçi kanë pasur një konferencë për media, ku kanë shpalosur detaje për takimin ndërmjet tyre.

Lajme

12/02/2018 16:22

 

Presidenti slloven ka uruar qytetarët e Kosovës për 10 vjetorin e pavarësisë, duke i cilësuar raportet ndërshtetërore mjaft të mira.

Duke folur për gjendjen në Ballkan, Pahor ka përmendur mosmarrëveshjet ndërmjet Maqedonisë dhe Greqisë, si dhe problemet me kufijë ndërmjet Sllovensië dhe Kroacisë, raporton lajmi.net

Në këtë drejtim, për të avancuar në rrugën drejt BE-së, presidenti slloven ka kërkaur që Kosova ta ratifikojë Demarakcionin dhe të zbatojë marrëveshjet e arritura në Bruksel.

“Kosova duhet ta ratifikojë Demarkacionin, dhe të zbatojë marrëveshjet e arritura në Bruksel. Në këtë mënyrë zgjerimi i BE-së në Ballkanin Perëndimor do të ishte më  i lehtë dhe suksesshëm”, ka thënë Borut Pahor.

Tutje presidenti slloven foli edhe për faktorin ekonomik ndërmjet Kosovës dhe Sllovenisë.

Ai kërkoi që të ketë një këmbim më të madh të bizneseve ndërmjet dy vendeve.

Pahor paralajmëroi vizitën e ministrit të jashtëm slloven në Kosovës, gjatë muajit të ardhshëm.

“Sllovenia është investitor i rëndësishëm në Kosovë, por ende përfshirja e këmbimit të bizneseve është e vogël. Mendoj se në muajin e ardhshëm Kosovën do ta vizitojë ministeri jashtëm slloven me ekipin e afaristëve”, theksoi Pahor.

Borut Pahor përmendi samitin në Brdo Brijon si një samit që sipas tij do të ndikojë në përmirësimin e raportve ndërmjet vendeve të Ballkanit, dhe integrimit në BE. /Lajmi.net/