Presidenti i Shqipërisë: Ushtria e Kosovës është një e drejtë dhe detyrë – Lajmi.net
Presidenti i Shqipërisë: Ushtria e Kosovës është një e drejtë dhe detyrë
Autori: Lajmi.net LajmeRajoni 22:40, 20 March 2017
Bujar Nishani
Bujar Nishani
Presidenti i Shqipërisë, Bujar Nishani, ka folur për iniciativën e homologut të tij kosovar, Hashim Thaçi, për transformimin e Forcës së Sigurisë së Kosovës në Ushtri.

“Kosova është një shtet i pavarur, është një shtet sovran dhe si i tillë ka të gjithë të drejtën për të ngritur institucionet që i takojnë një shteti në sferën e ekonomisë, sigurisë, kulturës e me radhë”, është shprehur ai në një paraqitje televizive të hënën, raporton Gazeta Express.

“Ushtria e Kosovës është një e drejtë dhe detyrë. Një shtet nuk mund të garantojë sigurinë e tij pa pasur mekanizma, në rastin konkret ushtrinë e saj. Kemi aktualisht FSK-të në Kosovë, por të mos harrojmë që kemi një prezencë të pazëvendësueshme, të domosdoshme të NATO-s. Kemi prezencën e forcave ushtarake të SHBA-së”, ka deklaruar Nishani në një intervistë në emisionin “5 Pyetje nga Babaramo”.

“Dhe unë mendoj, siç dhe kam dëgjuar nga Presidenti Thaçi, që ndërtimi i ushtrisë dhe FSK-së të bëhet në bashkëpunim të plotë me NATO-n. Ne si vend i NATO-s jemi në bord të Aleancës dhe do të kërkojmë të njëjtën gjë që do të kërkojë NATO, pra që ndërtimi i ushtrisë së saj të bëhet në bashkëpunim të ngushtë me Aleancën e Atlantikut të Veriut dhe posaçërisht me SHBA-në”, ka thënë Nishani.

Presidenti i Shqipërisë ka thënë se nuk mendon se ushtria e Kosovës mund të ndërtohet në mënyrë të suksesshme dhe të funksionojë në mënyrë të suksesshme nëse nuk do të ketë bashkëpunimin e NATO-s dhe nuk do të ketë asistencën dhe bashkëpunimin e SHBA-së.

Fjalët kyçe: Bujar Nishani, Kosova, Ushtria

Fotolajm

Pandat gjigante mbushin 1 vjeç në Makao
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO
 

Lojëra

  • Play Bike Rivals
  • Play Urban Basketball
  • Play Bow Master Japan
  • Play Zombie Big Trouble