Presidenti i Interit kërcënon Shaqirin me shokë
Presidenti i Interit, Erick Thohir ka paralajmëruar futbollistët se do të kenë pushim më të shkurtër në rast se dështojnë të kualifikohen për në edicionin e ardhshëm të Europa League.
Sport
“Më mirë të mos i rezervoni pushimet për momentin”.
Ky është paralajmërimi i bërë nga presidenti i Interit, Erick Thohir për futbollistët e skuadrës, pas eliminimit nga Europa League.
Kreu i Nerazzurrëve është i pakënaqur me rezultatet e skuadrës deri më tani gjatë këtij sezoni dhe i ka paralajmëruar futbollistët se do të ndëshkohen në rast se dështojnë të kualifikohen për në edicionin e ardhshëm të garave evropiane, shkruan “Corriere dello Sport“.
Inter ka ende shanse të sigurojë pjesëmarrjen në Europa League, ndonëse Liga e Kampionëve duket një objektiv shumë i vështirë për t’u realizuar.
Andaj, Xherdan Shaqiri me shokë duhet të kenë kujdes, vera mund të jetë e shkurtër për ta.