Presidenti i Cardiff tregon nëse do t’ia paguajë Nantes shumë e transferimit të Sala – Lajmi.net
Presidenti i Cardiff tregon nëse do t’ia paguajë Nantes shumë e transferimit të Sala
Autori: Lajmi.net Lajme futbolliPremier LeagueSport 20:02, 12 February 2019
Presidenti i Cardiff, Mehmet Dalman, ka thënë se skuadra e tij do t’i bëjë pagesën Nantes për transferimin e Emiliano Sala, nëse për këtë është e detyruar.

Dalman, duke folur për BBC, ka thënë se Cardiff fillimisht janë të interesuar për sqarim të çështjes, derisa Nantes po kërcënon me veprim ligjor për pagesën e shumës për transferimin e Emiliano Sala.

Emiliano Sala ka gjetur vdekjen gjatë udhëtimit drejt Cardiff, ku më 21 janar aeroplani me të cilin po udhëtonte sulmuesi është zhdukur.

Pas shumë kërkimeve, është arritur të gjendet vendndodhja e aeroplanit, ku është nxjerrë edhe trupi i pajetë i Sala, i cili është konfirmuar i vdekur.

“Natyrisht, nëse ne jemi të obliguar për të paguar, sigurisht që do ta bëjmë. Ne jemi një klub i nderuar”, ka deklaruar presidenti i Cardiff, përcjell ‘lajmi.net’.

“Por nëse nuk jemi, dhe ka disa anomali në këtë, atëherë me siguri që unë si kryetar dhe mbrojtësi i interesave të klubit do të shohim dhe do të mbajmë pozicionin tonë. Kjo është ajo që po bëjmë”.

“Ne jemi ende në procesin e grumbullimit të informacionit dhe ky proces do të vazhdojë, dhe kur të arrijmë një nivel ku do të kemi informacione të mjaftueshme, unë jam i sigurt që do të ulemi me Nantes për të ecur përpara”./Lajmi.net/

Fotolajm

Rita, Dua dhe Era.
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO