Në përgjigje ndaj një padie të hapur nga e veja e Roger Rodas – shokut të Paul Walker i cili ishte duke vozitur kur ndodhi aksidenti, Porsche tha se vetura nuk e shkaktoi aksidentin por aksidenti u shkaktua nga gabimi i shoferit.

Pak ditë para lansimit zyrtar të filmit final në të cilin morri pjesë edhe Paul Walker – Fast 7 – Porsche është goditur nga një çështje gjyqësore e ngritur nga e veja e shokut të aktorit, përgjegjësit për aksidentin i cili ishte duke vozitur veturën Porsche Carrera GT, transmeton Lajmi.net.

Që të dy, Rodas dhe Walker kishin vdekur në vend më 30 nëntor, 2013 pasi ishin duke u kthyer nga një ngjarje bamirësie në Santa Clarita, Kaliforni.

Vetura kishte dalë nga kontrolli dhe kishte goditur një pemë, ku më pas morri flakë.