Policia: Sot janë shoqëruar katër deputetë të opozitës
Policia e Kosovës, ka njoftua se gjatë ditës së sotme ka shoqëruar në polici katër deputet të opozitës të cilët kanë hedhur gazë lotsjellës gjatë seancës së Kuvendit të Kosovës.
Lajme
Sipas njoftimit të Policisë së Kosovës të gjitha veprimet janë marr duk respektuar procedura ligjore.
Polica ka njoftuar se njëri nga deputetët e Opozitës ka pranuar vetë se ka hedhur gazin lotsjellës.
“ Referuar rrethanave dhe situatës së krijuar në ambientet e Kuvendit të RKS-së, ku është hedhur mjeti i dyshuar, Policia e Kosovës në konsultim dhe koordinim me prokurorin kompetent ka ndërmarrë të gjitha veprimet e nevojshme ligjore për hetimin dhe verifikimin e mjeteve të dyshuara”.
“ Rreth orës 14:40, njësitet relevante policore e kanë shoqëruar për në polici njërin nga deputetet i cili ka deklaruar se ka hedhur në seancë mjetin e dyshuar gaz lotsjellës”.
“ Ndërsa rreth orës 15:20, pas ri-fillimit të seancës dhe njoftimit për përjashtim të disa deputetëve të opozitës, sërish është hedhur gaz lotsjellës dhe përsëri është ndërprerë seanca”.
“Kryesia e Kuvendit të Republikës së Kosovës ka marrë vendim për të përjashtuar disa deputetë të opozitës dhe nga zyrtarët e sigurimit në kuvend është kërkuar të ndërmarrin veprimet e nevojshme ligjore për largimin e tyre nga salla”.
“Zyrtarët e sigurimit të kuvendit konform procedurave ligjore fillimisht ju kanë prezantuar vendimin e kuvendit deputeteve të përjashtuar dhe më pas të njëjtit i kanë larguar nga salla e kuvendit, për të krijuar kushtet për vazhdim të seancës”.
“ Gjatë zhvillimit të seancës një deputete ka tentuar të hedh sërish gaz lotsjellës, por zyrtarët e sigurimit të kuvendit kanë reaguar duke parandaluar hedhjen e gazit lotsjellës”.
“ Si vazhdimësi e realizimit të procedurave ligjore, njësitet relevante policore kanë shoqëruar në polici edhe tre (3) deputet tjerë, për të vazhduar me procedurat e mëtutjeshme ligjore”, thuhet në njoftim.