POLEMIKË ME INJORANTË – Lajmi.net
POLEMIKË ME INJORANTË
Autori: Xhemal Ahmeti LajmeOpinion 11:15, 29 June 2017
Kur shkrova para zgjedhjeve se PDK dhe LDK nuk e meritojnë votën nuk e bëna ngase e dija se do të humbin. Përkundrazi. As që pritsha të humbin kështu. E dëshiroja humbjen e tyre po. Me gjithë zemër. Dhe me ato metodat e mia modeste bëja çmos të arrij sa më shumë njerëz për t'ua shpjeguar këtë. Të njëjtën ua dëshiroja partive në Maqedoni.

Por pasi që konkurrencë patën edhe më të këqinjt, nuk doja të humbin më shumë se kaq. Shpresa e vetme se megjithatë do humbin këta, vërtet nuk ishte aspak “shkencore, objektive”, por më shumë parareligjioze: Shpesh i pëshpëritja vetes; nëse vërtet ka një fuqi supranatyrore, e cila është kujdesur që bota të jetë me shumë kultura, raca, popuj ajo i ka shpëtuar që të mbijetojnë edhe shqiptarët me identitetin e tyre edhe pse e meritojnë t’i shkoqësh me dru.

Nëse vërtet – mendoja – ekziston kjo fuqi ajo nuk i le pa i ndëshkuar këto parti shqiptare që për pare, lidhje e tru-shpëlarje lejuan që në Kosovë dhe Maqedoni të futen aq shumë organizata mesjetare, refraktare, qëllimkëqija, radikale, ekstremiste që t’ua bëjnë pikë e pesë shoqëritë dhe mbi 500 të rinj t’ua hedhin si kufoma Sirisë, Irakut e gjithandej. Dëmet që sillte sjellja e këtyre trukorruptuarve parasëgjithash i sinjalizoi pakkush, një grusht njerëzish. Plotë qytete shqiptare sot kur përshkruhen nga të huajt bëhet në mënyrën krahasuese me ato homologet në Pakistan, Afganistan, Turqi. Dakord secili shijen e vetë se a donë të ulet në postaqia e qilima apo në fotelje.

Por jo ky ndryshim, ky ngjasim, kjo përdhosje e arkitekturës, arteve, veshjes, ngrënies, festimit, fjetjes dhe papunës nën hije shtrirë arsyetohet me religjionin, fenë, besimin. Gjithçka e bëjnë për Muhamedin. Dhe kur i pyet se ku e ka shkruar këtë ai të përgjigjen me një shkrim që as dekoduesit e asirishtes e hieroglifave nuk e kuptojnë e lere më njeriu i shkolluar ballkanit.

Është kjo rastësi që 99% e apologëve të këtij versioni të jetesës janë analfabetë totalë. Është e rastësishme që 99% e tyre komunikojnë me një gjuhë fekaloperverse sikur ta kishin mësuar fjalorin e dytë të Vuk Karaxhiqit përmendsh.

Dhe ja ulërima: mosni se janë popull! Dhe klithja vijnë nga ata që operojnë me këtë turmë. Që ju duhet se masë të shkolluarish nuk u bashkëngjitet dot. Ju duhet për vota. Për revolucione imagjinare – për pushtet ju duhet qafirave, për asgjë tjetër.

Janë koketerët e radhës si të parët, të cilëve aq thellë, aq me dëshirë ua dëshiruam humbjen? Po e njejta pako e djallit me fytyrën e Madonës a Rafiqes.

Dhe tash ju miq të mi prisni që unë dhe gjithë ata të tjerë të mos i akuzojmë të fundit se ja e paskan pasë për votë. Talleni me mua. Ma fyeni inteligjencën? E dini pse nuk fituan të parët dhe asnjë parti që fyerjen e kulturës shqiptare e bën shprehi? E dini pse këta që vunë Allahun në flamur as 1% nuk e morën? Jo se nuk ka besimtarë. Porse çdokush që ka kaluar filloren e dinë se gjithë këta janë manipulantë të ndërsyer nga qendra injorante që besojnë ta shkatërrojnë atë që nuk e prishi kush dot me mijëra vjet: kulturën, gjuhën shqipe dhe shumë gjuhë tjera që do t’i ketë falë ajo superfuqia natyrore dhe e cila nuk don që këto të humben.

Kur do ta kuptoni këtë?

Kur do të kuptoni se s’ka fuqi që e përmbys një gjuhë e kulturë vetëm se donë dikush ta zgjerojë e shumojë racën e vetë? Kur? Kulturat zhduken ndryshe por jo me dhunë, jo me përdhunim, jo me mohim e më hiç me pare për ca pitalka.

Si ka mundësi t’i mohosh e përqeshës 200 vjet kulturë mbijetese e për liri duke i krahasuar me një passapun mjekërzi? Si. Oj qurë ballkanike kush ta dha këtë të drejtë. Dhe ja…hajde fito votën p¨ersëri.

No passaran! Sa të ketë shqiptarë mbi këtë tokë që duan edhe shqipen si gjuhë për komunikim ju do humbni!

Fotolajm

Pandat gjigante mbushin 1 vjeç në Makao
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO
 

Lojëra

  • Play Berry Rush
  • Play World Soccer Champion
  • Play Supercar Showdown
  • Play Bubble Trouble