Mesfushori i Juventusit, Paul Pogba, thotë se Bianconeri e duan fuqishëm Scudetton këtë sezon, të tretën rresht.

Futbollisti francez kërkon fitore nga bashkëlojtarët, në ndeshjen e së shtunës ndaj Bolognas, për t’iu afruar edhe më shumë titullit të kampionit.

“Për ne, ndeshja ndaj Bolognas është mjaft e rëndësishme. E duam fuqishëm këtë Scudetto. Ne duhet absolutisht të fitojmë, pa menduar se çka do të bëjnë të tjerët”, deklaroi fillimisht ish futbollisti i Manchester Unitedit, në një intervistë për JTV.

“Roma do ta presë gjithmonë një gabim tonin. Duam ta japim maksimumin në fushë. E kemi përgatitur si është më së miri këtë lojë dhe do të bëjmë gjithçka oër t’i bërë të lumtur tifozët tanë”, përfundoi përfaqësuesi francez.