Aktori i mirënjohur nga Maqedonia, Xhevdet Jashari, i njohur si Arif Hikmeti në serialin “O sa mirë” flet për fëmijërinë dhe ato që pasuan. Sali Berisha ka qenë imitimi tij i parë. Mësoni në intervistë cilat role do t’i luante në rast ftese nga “Hollywood”.

Lajmi.net: Na e përshkruaj karakterin tuaj si fëmije, cili ishte roli yt në shoqëri me dy fjalë?

Xhevdet Jashari: Pasionant, problematik.

Lajmi.net: Aktrimi për ty ka qenë ëndërr qysh në fëmijëri apo profesion i rastësishëm?

Xhevdet Jashari: Qysh si fëmijë e kam ndjekur dhe e kam dashuruar këtë profesion.

Lajmi.net: Cili do të ishte profesioni juaj, në rast se nuk do të bëheshit aktor?

Xhevdet Jashari: Nuk do doja të kisha tjetër profesion.

Lajmi.net: Kush ishte idoli yt i fëmijërisë. Pse ai?

Xhevdet Jashari: Sport-Billy, e doja çantën e tij.

Lajmi.net: Si ndiheni kur në serialin “O sa mirë” vajza e drejtorit ju thotë: “si arush”?

Xhevdet Jashari: Arifhikmeti si ndihet… e keni pa vet.

Lajmi.net: Kush ka qenë personazhi i parë që keni imituar?

Xhevdet Jashari: Sali Berisha.

Lajmi.net: “Foli Arif Hikmeti”, një paralajmërim se “ja ku jam”, apo një shprehje me vetbesim “kur flas unë, dëgjoni mirë”?

Xhevdet Jashari: Kur flas unë, s’ka teori tjetër.

Lajmi.net: Sikur industria e filmit “Hollywood” të të jepte ofertë për të luajtur rolin e homoseksualit ose rolin e “nëmur” të Jokerit që luajti Heath Ledger, cilin do zgjedhje, pse!?

Xhevdet Jashari: Hahahah vetëm që e përmendët më erdhi mirë… unë jam profesionist edhe do luaja gjithçka që më jepet.

Lajmi.net: Kush është personi më i shtrenjtë në jetën tuaj?

Xhevdet Jashari: Nëna.

Lajmi.net: Më mirë të qash në një makinë “Bugatti” apo të qeshësh në një “Fiqa”?

Xhevdet Jashari: Bugati, ani se qaj…

Lajmi.net: Cili është libri më i mirë që keni lexuar deri më tani?

Xhevdet Jashari: Krimi dhe Ndëshkimi – Dostojevski.

Lajmi.net: Në rast se do ta shkruanit librin e jetës suaj, si do t’ia vënit titullin?

Xhevdet Jashari: UNË.

Lajmi.net: Kush nga politikanët shqiptar di të aktrojë më së miri?

Xhevdet Jashari: Ata që nuk dijnë të aktrojnë, humbin.

Lajmi.net: Cili nga qytetet e banuar me shqiptarë është vendi që një artist mund të jetoj më mirë?

Xhevdet Jashari: Te krejt jetohet edhe te asnjani s’jetohet.

Lajmi.net: Kush është aktori më i mirë shqiptar dhe botëror momentalisht?

Xhevdet Jashari: Refet Abazi – Daniel Day Lewis.

Lajmi.net: Motoja që ju përcjellë në jetë?

Xhevdet Jashari: Kur t’ja bësh një të keqe dikujt, mendo sa do të të dhimbte ty.

Lajmi.net: Për fund, kur ke ndërmend ta rrahësh drenicakun në “O sa mirë”?

Xhevdet Jashari: Kjo varet nga skenaristi më i mirë shqiptar, Ard Islami.

Intervistoi: Agim Sulaj