Pjesën më të madhe të buxhetit Kosova e shpenzon në paga e pensione

Agjencia e Statistikave të Kosovës ka publikuar llogaritë qeveritare të Kosovës në të cilën është paraqitur pasqyra e të hyrave dhe shpenzimeve qeveritare brenda tremujorit të dytë të këtij viti, ku thuhet se shuma e përgjithshme e të hyrave të Qeverisë ishte 461 milionë euro.

Lajme

13/09/2018 17:06

Sipas ASK-së, pjesën më të madhe të të hyrave e përbëjnë tatimet në produkte, të cilat paraqesin 73 % të totalit të të hyrave, ndërsa pjesa e mbetur e të hyrave është shpërndarë në kategori të tjera të të hyrave.

“Në TM2 2018, totali i përgjithshëm i shpenzimeve të Qeverisë ishte 441.8 milionë euro. Pjesën më të madhe të shpenzimeve e përbëjnë kompensimi i punëtorëve (34%), kontributet sociale dhe përfitimet (26%), formimi i kapitalit bruto (22%), dhe konsumi i ndërmjetëm 11%”, thuhet në njoftim.

Ndërsa, pjesa e mbetur e shpenzimeve është shpërndarë në struktura të tjera të shpenzimeve.