Qendërmbrojtësi Gerard Pique i ka dalë në mbrojtje Cesc Fabregasit pas spekulimeve të vazhdueshme rreth largimit të tij nga Barcelona, gjatë këtij afati kalimtar të verës.

Pique lavdëroi bashkëlojtarin e tij dhe uroi që ai të mbetet në Camp Nou. “Nuk e di se çka do të ndodhë, por shpresoj që Cesc të mbetet edhe më tutje me ne”, deklaroi Pique gjatë një konference për shtyp.

Për më tepër, ylli i gjigantit katalan nuk kurseu fjalë të ashpra për klubin, duke thënë se Fabregas nuk është vlerësuar sa duhet.

“Cesc asnjëherë nuk është vlerësuar mjaftueshëm në Barcelonë. Nuk është vlerësuar ashtu siç e meriton. Cesc do të funksionojë në çdo klub të botës, por në Barcelonë është mjaft e komplikuar”, u shpreh Pique.