Mënyra se si e fillon ditën është tejet e rëndësishme. Sipas filozofisë Ajuverdike, zgjedhjet që bëni rreth rutinës tuaj ditore, ose ndërtojnë rezistencë ndaj sëmundjeve, ose e shkatërrojnë atë. Ajuverda fton të gjithë që ta nisim ditën duke u fokusuar në rituale të mëngjesit, që funksionojnë për të vënë në vijë trupin me ritmet e natyrës, dhe forcojmë vetë-vlerësimin dhe vetë-disciplinën.

Mendja mund t’ju thotë se duhet ta kontrollosh emailin, ta bësh një shetitje me fëmijë, se nuk guxon të vonohesh në punë apo që thjeshtë nuk ke kohë të kultivosh ritualet e tua të mëngjesit. Por, nëse mund të gjesh kohë për vetëm një ritual që do ta përmirësojë shëndetin, atëherë le të jetë ky…

Fillo ditën me një gotë me ujë të ngrohtë dhe lëng nga një gjysmë limoni. Është aq e thjeshtë, saqë dobitë janë shumë të mëdha për t’i injoruar.

Me vetëm adoptim të kësaj praktike të pirjes së ujit të ngrohtë me limon në mëngjes për vetëm një muaj, mundet në mënyrë radikale të ndryshojë përvojën tuaj ditore.

Mos u habit nëse fillon ta shikosh mëngjesin në një tjetër këndvështrim. Ashtu si thamë, receta është fare e thjeshtë – një gotë apo filxhan (jo i vluar) me ujë të ngrohtë dhe lëng nga gjysma e limonit.

1. Forcon imunitetin tuaj

Limoni është i pasur me Vitaminë C dhe potas. Të gjithë e dimë se Vitamina C është shumë e mirë për të luftuar ftohjet dhe gripat, dhe potasa stimulon funksionet e trurit dhe nervave, si dhe ndihmon në kontrollimin e presionit të gjakut.

2. Balancon nivelet e pH-s

Në besoni, limoni është vërtetë një ushqim tejet alkalin. Po, ata janë acidik në vetvete, por brenda në trupin tonë janë alkalinë (acidi citrik nuk krijon aciditet në trup pasi të metabolizohet). Ashtu si ata që ndjekin shëndetin e mirë tregojnë, një trup alkalin vërtetë është çelësi drejt shëndetit të mirë.

3. Ndihmon për humbje peshe

Limonët janë gjithashtu të pasur me fibër pectin, që ndihmojnë për të luftuar dëshirën për të ngrënë (nuk do të thuash më “po më hahet diçka”). Gjithashtu është parë në disa studime që njerëzit që mbajnë një dietë më alkaline, humbin peshë më shpejt. Dhe tjetra është se kur e fillon ditën mbarë, është më lehtë që të bësh zgjedhjet e duhura më vonë gjatë ditës.

4. Ndihmon tretjen

Uji i ngrohtë shërben për të stimuluar traktin gastrointesinal dhe peristalsis – valët e kontraktimeve të muskujve brenda mureve të zorrëve që shërbejnë për të lëvizur gjërat. Limonët dhe limes janë gjithashtu të pasur me vitamina dhe minerale dhe ndihmojnë në lirimin e ama, toksinë në traktin e tretjes.

5. Shërben si diuretik natural

Lëngu i limonit ndihmon në nxjerrjen jashtë të materieve të padëshiruara për shkak se limoni shton urinimin, dhe kështu materiet toksike lirohen me një shpejtësi dhe përqindje më të madhe, duke ndihmuar që trakti urinar të jetë i shëndetshëm.

6. Lëkurë të pastër

Vitamina C ndihmon në zvogëlimin e rrudhave dhe shenjave. Uji me limon largon helmet nga gjaku, e kjo ndihmon që gjithashtu të kesh lëkurë të pastër.

7. Hidraton sistemin limfatik

Kjo gotë e mirësisë ndihmon që të filloni ditën i hidratuar, që ndihmon në parandalimin e dehidratimit dhe lodhjes adrenale. Kur trupi dehidrohet, apo thellë dehidrohet (plogështi adrenale) nuk mund ti kryej të gjitha funksionet e tij, e kjo shpien në mbledhje të helmeve (materieve toksike), stres, kapsllëk, e kështu me radhë. Gjëndrat adrenale janë dy gjëndra që ndodhen mbi veshka, dhe së bashku me tiroidet tua krijojnë energji. Ato gjithashtu lirojnë hormone të rëndësishme, duke përfshirë këtu edhe aldosteronin. Aldosteroni është hormon i liruar nga gjëndrat adrenale, që rregullojnë nivelet e ujit dhe koncentrimin e mineraleve si sodiumi në trupin tuaj, kështu duke ju ndihmuar të jeni i hidratuar. Adrenalet janë gjithashtu përgjegjëse për rregullimin e përgjigjes ndaj stresit. Kështu që, vërtetë nuk ke pse mos ta marrësh seriozisht gjendjen e thellë të dehidratimit.