Një grup i aktivistëve rusë për të drejtat e njeriut kanë paralajmëruar se do të protestojë sot kundër gjykimit të pilotes Savchenko, e cila është kapur në lindje të Ukrainës dhe është dërguar në Rusi, për t’u përballur me akuzat për pjesëmarrje në vrasjen e dy gazetarëve rusë.

Protesta është organizuar përmes rrjeteve sociale, ndërkohë që Savchenko vazhdon të mbahet në spitalin psikiatrik Serbsky të Moskës.

Nikolai Polozov, njëri nga avokatët e Savchenkos, ka thënë se pilotja nuk lejohet të fle as në spital.

“Gjithë natën, një zyrtar i burgut ulet në hyrje të dhomës së saj dhe e shikon. Ne e konsiderojmë këtë torturë”, ka shkruar Polozov.