Pesë oferta për Blind
Daley Blind është njëri prej lojtarëve më të kërkuar këtë verë. Mbrojtësi holandez i ka marrë pesë oferta, ndërsa do ta zgjedh më të mirën në ditët në vazhdim.
Sport
Daley Blind ia ka pa më së shumti hairin Botërorit të Brazilit. Futbollisti holandez është bërë objektiv i shumë skuadrave të njohura evropiane, pas paraqitjeve mbresëlënëse me përfaqësuesen holandeze, me të cilën e fitoi medaljen e bronztë.
Sipas medieve spanjolle, futbollistin e Ajaxit e pëlqejnë pesë skuadra. Përpos Barcelonës dhe Manchester Unitedit, që duken opsionet më serioze, interesim për futbollistin e krahut të majtë kanë shprehur edhe Arsenali, Liverpooli e Borussia Dortmundi.
Gjithashtu, Blind mund të luajë edhe në qendër të mbrojtjes. Për ta bindur Ajaxin që ta shesë, për Blind duhet të paguhen 22 milionë euro.