Zëdhënësi i Guvernatorit të Samangan-it, Siddik Azizi tha se reshjet të cilat vazhdojnë disa ditë me radhë kanë shkaktuar përmbytje në Samangan.

Ai tha se 7 persona e kanë humbur jetën si pasojë e përmbytjeve ndërsa 2 të tjerë janë plagosur.

Azizi po ashtu tha se dhjetra shtëpi janë dëmtuar për shkak të përmbytjeve, raporton AA.

Kryetari i Administratës për Mbrojtje nga Fatkeqësitë Natyrore në Sar-i Pul, Azizurahman Aymak tha se nga përmbytjet në Sar-i Pul humbën jetën 4 persona ndërsa ende nuk ka informacione për 5 persona të tjerë.

Aymak thotë se në përmbytjet ku kanë ngordhur 200 kafshë, qindra hektarë fushë kanë mbetur nën ujë.