Përgjegjësi për zhvillimin e futbollit të rinjve i UEFA-s në vizitë në Kosovë – Lajmi.net
Përgjegjësi për zhvillimin e futbollit të rinjve i UEFA-s në vizitë në Kosovë
Autori: Lajmi.net Lajme futbolliSportSporti Vendor 21:29, 21 August 2017
.

Federata e Futbollit e Kosovës tash e disa vite po punon në zhvillimin e futbollit të të rinjve, duke organizuar tash e sa vite Kampin Kombëtar U-15, ndaj në këtë drejtim sot më 21 gusht në FFK, ka arritur përgjegjësi për zhvillimin e futbollit të rinjve pranë UEFA-s (UEFA Elite youth Development) z. Jean François Domergue, për të nisur Projektin e FFK-së për zhvillimin e të rinjve.

Domergue u pritë nga sekretari i përgjithshëm z. Eroll Salihu dhe kryetari i Shoqatës së trajnerëve dhe përgjegjës për këtë projekt Ajet Shosholli.

Po ashtu  Jean François Domergue, u takua dhe me presidentin e FFK-së Fadil Vokrri dhe nënpresidentin  Agim Ademi.

Qëllimi i kësaj vizite është që të shikohen përgatitjet për fillimin e Projektit për zhvillimin e të rinjve që nisë më 1 shtator dhe zgjatë deri në korrik të vitit 2018, kur mbahet Kampi Kombëtar. Pas konsultimeve në zyrat e FFK-së Jean François Domergue në stadiumin “Agron Rama” në Kastriot pan nga afër futbollistët e rinj nga Rajoni i Prishtinës, duke mbajtur një seancë stërvitore me këta të rinj, ndërsa nesër do të vizitojë të rinjtë nga klubet e rajonit të Mitrovicës.

Të mërkurën më 23 gusht Jean François Domergue, bashkë me Ajet Shoshollin në Kastriot do të takojnë trajnerët e grup-moshave të reja dhe do të organizohet edhe një lojë. Po ashtu do të shikohen mundësitë për trajnimin dhe licencimin e trajnerëve me licencë fillestare dhe C, në mënyrë që të krijohen kuadro që do të punojnë me grup-mosha të reja.

Fjalët kyçe: FFK

Fotolajm

‘’Në makinë, ka njerëz që nuk do të takohen kurrë më!’’
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO
 

Lojëra

  • Play Bike Rivals
  • Play Pro Kicker Frenzy
  • Play Stealth Sniper
  • Play Zombie Big Trouble