Përfundon marshi në Prizren
Dhjetëra protestues kanë përfunduar marshin e nisur nga shatërvani i Prizrenit drejt ndërtesës së Komunës, duke kërkuar dorëheqjen e kryetarit të kësaj komune, Ramadan Muja.
Lajme
Protesta ka përfunduar pasi që atyre i’u është thënë se në Komunë nuk gjendet askush.
Në këtë mënyrë protestuesit janë shpërndarë të qetë duke thënë se shpresojnë në shkarkimin e Mujes gjatë kësaj jave.
Lirim Krasniqi, një nga protestuesit i’u ka drejtuar qytetareve ku ka kërkuar të protestojnë deri në shkarkimin e Mujes.
Ai ka thënë se, kryetarit Muja po i bën presion kryeministri Hashim Thaçi, i cili nuk po e lë të jap dorëheqje, raporton Kosovapress.
Protestuesit e kanë akuzuar Mujen se po e mban peng komunën e cila sipas tyre do të duhej të ishte e qytetareve.
Kryetari i Komunës së Prizrenit, javën e kaluar është shpallur fajtor dhe është dënuar me dy vjet, me kusht, për keqpërdorim të pozitës zyrtare.