Pentagoni jep shifra të reja të trupave në Irak dhe Siri – Lajmi.net
Pentagoni jep shifra të reja të trupave në Irak dhe Siri
Autori: Lajmi.net BotaLajme 23:51, 6 December 2017
Pentagoni thotë se janë afërsisht 2,000 trupa amerikane në Siri, katërfishi i numrit që zyrtarët amerikanë kanë pranuar deri tani.

Shifra pasqyron një urdhër të Sekretarit të Mbrojtjes Jim Mattis për të rishikuar sesi Pentagoni llogarit numrin e personelit të dislokuar për të kryer operacionet madhore në Irak dhe Siri. Shifra e re nuk do të thotë se janë dislokuar trupa shtesë, por tregon një pasaktësi të madhe në shifrat e dhëna më parë.

Numri i rishikuar i trupave amerikane në Irak mbetet i njëjtë si më parë, rreth 5,200, ndonëse zëdhënësi i Pentagonit Robert Manning tha se numri i forcave amerikane është gjithashtu në rënie.

“Ne shpresojmë që kjo prirje të vazhdojë,” tha ai.

Sipas zëdhënësit të Pentagonit Eric Pahon, shifrat e reja ende përjashtojnë misionet e ndjeshme dhe llojet e caktuara të personelit, si personeli i sigurisë i bashkangjitur në ambasadën e SHBA në Irak.

Departamenti i Mbrojtjes dha një rishikim të ngjashëm për numrin e trupave në Afganistan në gusht, duke ndryshuar numrin e pranuar të trupave nga rreth 8,400 trupa në 11,000 trupa. /VoA

 

 

 

Fjalët kyçe: Irak, Pentagoni, Siri, trupa

Fotolajm

‘’Në makinë, ka njerëz që nuk do të takohen kurrë më!’’
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO
 

Lojëra

  • Play Berry Rush
  • Play Urban Basketball
  • Play iStunt 2
  • Play 8 Ball Pool