Pengu i madh i Fadil Vokrrit – Lajmi.net
Pengu i madh i Fadil Vokrrit
Autori: Lajmi.net Lajme futbolliSportSporti VendorTë tjera 11:05, 10 June 2018
Vdekja e papritur e kryetarit të Federatës së Futbollit të Kosovës, Fadil Vokrri, ka tronditur të gjithë.

Vokrri ka ndërruar jetë në moshën 57 vjeçare, duke pësuar arrest kardiak pas ushtrimeve në një palestër sportive në Prishtinë.

Meritat e Fadil Vokrrit për futbollin kosovar janë të pakontestueshme, i cili arriti ta vë Kosovën në hartën e sportit botëror.

Gjeneratat e viteve 80-ta dhe 90-ta për sinonim të futbollit kishin emrin e Fadil Vokrrit që për shumë vite bëri krenarë shqiptarët me të arriturat e tij në periudha të ndryshme të vështirësive të vendit.

Kulmimi i karrierës së Vokrrit regjistrohet në vitin 2016, kur arriti të thyej izolimin shumë vjeçar të futbollit të Kosovës, duke e anëtarësuar FFK-në në UEFA dhe në FIFA, për t’u trajtuar pastaj si një shtet i barabartë karshi gjitha shteteve të botës.

E mos pasja mundësisë që të luajë për Përfaqësuesen e Kosovës, ka qenë pengu i vetëm i Fadil Vokrrit në karrierën e tij.

Kryetari i ndjerë i FFK-së në shkurt të këtij viti, i ftuar në emisionin sportiv ‘2:1’ pati deklaruar se të luash për shtetin tënd është një krenari, që ai dhe gjenerata e tij nuk e kanë pasur si mundësi.

Këtë deklaratë Vokrri e kishte bërë teksa fliste për lojtarët e rinj me prejardhje nga Kosova, që po hezitojnë të veshin fanellën e ‘Dardanëve’.

“Lojtarët tanë duhet ta dinë, gjithë ata që i kemi jashtë Kosovës që bëjnë veprimtarinë dhe zhvillojnë veprimtarinë, që është kënaqësi dhe krenari të luash për shtetin tënd, fatkeqësisht ne disa, gjenerata më e vjetër se kemi pasur atë mundësi”, pati deklaruar Vokrri.

Fadil Vokrri do të varroset ditën e diel nga ora 17:00 me ceremoni shtetërore, ndërsa në shenjë respekti shtetëror dhe qytetar, me vendim të presidentit Thaçi, dita e diel është shpallur ditë zie dhe flamujt shtetëror do të ngrihen në gjysmështizë në të gjitha objektet shtetërore të Republikës së Kosovës, brenda dhe jashtë vendit./Lajmi.net/

Fotolajm

Rozana Radi provokon nga pasqyra, shfaq gjoksin më shumë se ç’duhet
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO