Pasagjeri ajror filmon momentin kur motori i avionit merr zjarr

Një nga pasagjerët e tmerruar filmoi incidentin e djegies së motorit të një aeroplani, i cili po drejtohej për në Panama Siti.

Fun

06/02/2019 16:05

Ngjarja ka ndodhur më 31 janar të këtij viti, ndërsa e ka konfirmuar Cesar Luciano, personi i cili është përkujdesur për incizimin e incidentit, transmeton lajmi.net.

Flaka e madhe e verdhë shfaqet pranë dritares së tij ndërsa avioni fluturon mbi fshatrat e Panamasë – para se britmat të dëgjohen në sfond.

Duke përshkruar përvojën traumatike, Luciano tha: “Asnjëherë më parë nuk kam pasur kaq shumë mendime në një kohë kaq të shkurtër. Mendova se këto gjëra ndodhin vetëm në filma”.

Aeroplani u kthye në Aeroportin Ndërkombëtar të Tocumen pasi piloti u alarmua për zjarrin, ndërsa një hetim është duke u zhvilluar në lidhje me këtë. /Lajmi.net/