Pas 150 vjetësh zbulohet sekreti i recetës së Jack Daniels (FOTO)
Pas 150 vjetësh ‘Jack Daniels’ ka zbuluar skllavin që fshihet pas recetës së uiskin më të famshëm dhe më popullor në Amerikë e në botë.
Fun
Deri më tani njihej historia sipas të cilës një prodhues pijesh (i bardhë) me emrin Dan Call, kishte mësuar nxënësin e tij të ri, Jasper Newton ‘Jack’ Daniel si të drejtonte një fabrikë pijesh alkoolike në Tennessee.
Por duket se tashmë marka prestigjioze është gati të përballet me historinë e vet kontroverse, pasi ka zbuluar se nuk ishte Dan Call, por një nga skllevërit e tij me ngjyrë i quajtur Nearis Green, që e trashëgoi përvojë e tij tek Daniel.
“U desh të vijë ky përvjetor që ne të fillojmë të flasim pak për veten”, tha Nelson Eddy, historiani i shtëpisë Jack Daniels për ‘New York Times’
Sipas një biografie të vitit 1967, ‘Trashëgimia Jack Daniels’, Call thotë se skllavi i tij i mësoi Jack Daniel gjithçka që dinte. “Xhaxha Nearest është prodhuesi më i mirë i whisky që njoh”, mësohet të ketë thënë Call. Skllavëria po shkonte drejt zhdukjes në vitin 1865, me ratifikimin e amendamentit të 13. Daniel hapi fabrikën e tij të pijeve alkoolike një vit, më vonë ku punësoi dy nga djemtë e skllavit që i mësoi zanatin. Thuhet se djemtë e skllavit patën një influencë të madhe në distilerinë e Daniel.