Pamje nga xhirimi i klipit të ri nga Gold Ag dhe Buraku
Në vitin që kemi lënë pas, reperi Gold Ag ishte shumë aktiv me projekte të reja.
ShowBiz
Ai nuk është ndalur me kaq, me të filluar 2018-a, Goldi ka paralajmëruar projektin e radhës, i cili do të publikohet shumë shpejt, shkruan lajmi.net.
Kësaj radhe, reperin do ta shohim në duet me Burak Vehapin nga Grupi Fama, e që kënga padyshim premton të jetë hit ashtu si projeket e tjera të tij.
Lajmin për këtë bashkëpunim e kishte bërë të ditur vetë Goldi përmes rrjeteve sociale, ndërsa tani po punojnë rreth finalizimit të projektit.
Dyshja kanë udhëtuar në bregdetin shqiptar, aty ku edhe po e xhirojnë projektin e ri, në rrjete sociale janë publikuar pamje nga filmimi i videoklipit.
Për klipin, dyshja kanë bashkëpunuar me “MProdution”, në një foto që ka siguruar lajmi.net, shihet se një skenë e xhirimeve do të jetë tek treni.
Kujtojmë që projekti i fundit nga Gold Ag është “Lidhjet farefisnore”, këngë e cila ka prekur një temë mjaft të ndjeshme. /Lajmi.net/