Një zëdhënës i Ministrisë së brendshme të Pakistanit tha se ata që sot janë ekzekutuar me varje nuk ishin vetëm “terroristë”, por vrasës të dënuar dhe të tjerë, që kanë kryer “krime të tmerrshme”, raporton RFE.

Kryeministri i Pakistanit, Nawaz Sdharif, faktikisht e ka tërhequr moratoriumin për dënim me vdekje më 17 dhjetor, një ditë pasi talibanët e armatosur pakistanezë e sulmuan një shkollë, duke i vrarë më se 150 vetë, shumica prej tyre fëmijë.

Prej atëherë janë ekzekutuar me varje 27 persona të dënuar, shumica prej tyre të dënuar si militantë të përfshirë në krime terroriste. Por grupe për të drejtat e njeriut thonë se shumë dënime në Pakistan nuk janë të drejta.