Pak muaj pas zgjedhjes ofron dorëheqje kryetari i Gjykatës Themelore në Mitrovicë, Nikolla Kabashiq – Lajmi.net
Pak muaj pas zgjedhjes ofron dorëheqje kryetari i Gjykatës Themelore në Mitrovicë, Nikolla Kabashiq
Autori: Lajmi.net LajmeNacionale 12:28, 14 February 2018
Kryetari i Gjykatës Themelore në Mitrovicë, Nikolla Kabashiq, ka ofruar dorëheqje nga kjo pozitë.

Një gjë të tillë e kanë bërë të ditur burime të “Betimit për Drejtësi” brenda kësaj gjykate.

“Betimi për Drejtësi” ka tentuar të kontaktoi me Kabashiqin, mirëpo ai nuk ka qenë i qasshëm.

Kurse, nënkryetari i kësaj gjykate, Ali Kutllovci, ka thënë se sot gjatë ditës e kanë thirr në një takim urgjent në Këshillin Gjyqësor të Kosovës (KGJK), pa treguar nëse dorëheqja e Kabashiqit, ka qenë arsye e këtij takimi.

“Betimi për Drejtësi”, ka provuar të kontaktoi edhe me zyrtarë të KGJK-së, mirëpo ata nuk kanë kthyer përgjigje lidhur me këtë çështje.

Mirëpo, burime të “Betimit për Drejtësi”, brenda KGJK-së, kanë bërë të ditur se pikërisht dorëheqja e Nikolla Kabashiqi nga pozita e kryetarit të Themelores në Mitrovicë, ka qenë arsyeja e këtij takimi.

Diskutimi për këtë temë, ende është duke vazhduar në KGJK.

Ndryshe, më 24 tetor të vitit të kaluar, Presidenti i Republikës së Kosovës, Hashim Thaçi kishte dekretuar gjyqtarët dhe prokurorët serbë, në kuadër të zbatimit të Marrëveshjes për Drejtësi, të arritur ndërmjet Kosovës dhe Serbisë në bisedimet e Brukselit.

Ndërsa, më 31 tetor të atij viti, Këshilli Gjyqësor i Kosovës (KGJK), ka zgjedhur Nikolla Kabashiqin, kryetar të Gjykatës Themelore të Mitrovicës, pasi sipas kësaj marrëveshjeje, parashihej që kjo gjykatë të udhëhiqej nga komuniteti serb.

Kurse, nënkryetar i kësaj gjykate ishte zgjedhur Ali Kutllovci.

Fotolajm

“Kulturë boksi” përpara Ministrisë së Kulturës në Prishtinë /FOTO
Foto, aparati për matjen e fuqisë së goditjes përpara Ministrisë së Kulturës në Prishtinë /lajmi.net ?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO
 

Lojëra

  • Play Supercar Showdown
  • Play Stealth Sniper
  • Play World Soccer Champion
  • Play 8 Ball Pool