Pajtohen Zuniga e Neymar
Juan Camilo Zuniga është pajtuar me Neymarin. Sulmuesi brazilian ka bërë të ditur se mbrojtësi kolumbian i ka kërkuar falje për ndërhyrjen e ashpër që e kishte lënduar rëndë gjatë Kampionatit botëror.
Sport
Juan Camilo Zuniga me ndërhyrjen e tij ndaj sulmuesit Neymar ia përfundoi brazilianit para kohës paraqitjen në fazën përfundimtare të Kampionatit botëror në Brazil.
Madje, ylli i Barcelonës ishte në rrezik të madh për shkak të frakturës në boshtin kurrizor.
Por, fatmirësisht është rikuperuar dhe pikërisht sot u takua sërish me mbrojtësin kolumbian në miqësoren e skuadrave në Miami. Dhe, pikërisht aty u pajtuan mes vete.
“Zuniga më kërkoi falje dhe është në rregull kështu. Tani më duhet të jem më i kujdesshëm dhe të mos lëndohem sërish”, deklaroi Neymar.