Pa opozitën por edhe pa vota të mjaftueshme, nuk emërohen anëtarët e OSHP-së (Video)
(I plotësuar) Vazhdimi i seancës së Kuvendit të Kosovës pa opozitën ka zgjatur pak minuta, por kësaj radhe ‘numrat’ sollën probleme.
Lajme
Nga 75 deputetët që ishin të pranishëm për pikën e vetëm të ditës ku po shqyrtohej rekomandimi i Organit Përzgjedhës të Pavarur për emërimin e anëtarëve të Organit Shqyrtues të Prokurimit, vetëm 40 nga ta kanë votuar PËR dhe ishte një abstenim, raporton lajmi.net
Kështu, Kuvendi ka dështuar të emëroj anëtarët e OSHP-së, e Komisioni Evropian ka rekomanduar që Kosova për të pasur liberalizimin e vizave, një ndër tetë kritere ka që anëtarët e OSHP-së të jenë jo politik.
Përderisa, LDK-ja besohet se janë ata që nuk votuan, askush prej tyre nuk ka pranuar të flas, ndërsa shefi i Grupit Parlamentar të DK-së, Adem Grabovci tha se anëtarët e OSHP-së duhet të jenë kredibil.
Grabovci tha se shpreson se Kuvendit t’i kthehet opozita por edhe normaliteti.
Tha se nuk e di pse nuk e votuan.
Ne respektojmë vullnetin e deputetëve të Kuvendit. Ishin 75 prezentë, nuk morën pjesë një numër i turrem, nuk e dimë kush mori pjesë e kush jo, kur të publikohen listat e shohim. I bëjë thirrje Qeverisë që sa më shpejtë të sjellë emrat, ngase kemi të bëjmë më një organ tepër të rëndësishëm, është OSHP-ja që është ndër më të ndjeshmet, duhet të jenë njerëz kredibil, njerëz me përgatitje profesionale dhe thjeshtë njerëz që duhet të jenë të pandikueshëm”, tha Grabovci, raporton lajmi.net
Këtë seancë që e drejtoi nënkryetari i Kuvendit Xhavit Haliti, u bë e ditur se komisioni parlamentar për verifikimin e CV-ve të personave të propozuar për anëtar të OSHP-së kishte hequr nga lista dy propozime që vijnë nga radhët e komunitetit serb.
Mirko Simoviq dhe Stojan Stanojkovic, nuk janë hedhur fare në votim pasi komisioni vlerësues ka konstatuar se nuk i kanë plotësuar kushtet që kërkohen për përzgjedhjen e anëtarëve të OSHP-së.
Komisioni kishte para vetës këta emra : Agim Shala, Vjollca Shala Kurtishaj, Nuhi Paçarizi dhe Blerim Dina.
Siç raporton lajmi.net, Xhavit Haliti nuk ka sqaruar më shumë, por tha se sot po votojnë për kryesuesin e dhe një anëtarë.
Ndryshe, OSHP kishte mbetur pa anëtarë pasi që kryetari Hysni Hoxha është i akuzuar ndërsa Bajram Zogiani është shkarkuar nga Kuvendi pasi që akuzohet për trafikim me femra./ Lajmi.net
Në seancë nuk kanë marrë pjesë partitë opozitare, VV-AAK-Nisma. /lajmi.net