Olympiakos gjobit Kasamin
Mesfushorit shqiptar, Pajtim Kasami, i ka kushtuar shtrenjtë sjellja josportive në ndeshjen e ndërprerë të Kupës së Greqisë ndërmjet AEK-ut dhe Olympiakosit
Sport
Pajtim Kasami është gjobitur me 7 mijë euro.
Në fakt, mesfushorit shqiptar i ka kushtuar shtrenjtë sjellja josportive në ndeshjen e ndërprerë të Kupës së Greqisë ndërmjet AEK-ut dhe Olympiakosit.
Federata e Futbollit e Greqisë e dënoi përfaqësuesin zviceran me 7 mijë euro, për shkak të përfshirjes në këtë incident.
Kasami ishte transferuar verën e kaluar në Greqi nga Fulhami, por mediat e huaja shkruajnë se ai mund të rikthehet në Itali gjatë kësaj vere.