OKB në lidhje me ngrohjen globale: Patjetër duhet të ndërmarrim diçka
Temperaturat globale në vitin 2018 do të jenë niveli i katërt më i lartë, njoftoi OKB, duke theksuar nevojën urgjente për veprim për të frenuar ngrohjen globale të planetit.
Bota
Në një raport të publikuar përpara një takimi në Poloni, Organizata Botërore Meteorologjike (OBM) vuri në dukje se 20 vitet më të ngrohta kanë qenë në 22 vitet e fundit, transmeton lajmi.net.
Ajo gjeti se viti 2018 është viti i katërt më i ngrohtë dhe se “ne jemi gjenerata e fundit që të jemi në gjendje të bëjmë diçka për të”.
Agjencia e Kombeve të Bashkuara tha në raportin e saj të përkohshëm se “katër vitet e fundit – 2015, 2016, 2017 dhe 2018 – janë gjithashtu katër vitet më të ngrohta përgjatë 20 viteve të fundit”.
“Tendenca e ngrohjes është e qartë dhe e vazhdueshme”, u tha gazetarëve në Gjenevë shefi i OBM Petteri Taalas.
Indikatorët tjerë të ngrohjes globale përfshijnë rritjen e nivelit të detit, ngrohjen dhe acidifikimin e oqeanit dhe akullin e detit dhe shkrirjen e akullnajave, ndërkohë që moti ekstrem la gjurmë shkatërruese në të gjitha kontinentet. /Lajmi.net/