OKB autorizon BE-në të reagojë me forcë kundër trafikantëve
Këshilli i Sigurimit të OKB-së autorizoi sot Bashkimin Evropian për të kontrolluar anijet e imigrantëve që vijnë nga Libia dhe tentojnë të shkojnë në Evropë, me qëllimin për të zgjidhur krizën më të rëndë të imigracionit që prej Luftës së Dytë Botërore.
Bota
Kjo rezolutë u miratua nga 14 vota pro dhe një abstenim mes 15 anëtarëve të Këshillit.
Evropianët kanë zgjeruar të mërkurën operacionin e tyre ushtarak detar për të luftuar kundër trafikantëve në ujërat ndërkombëtare në brigjet e Libisë.
Gjashtë anije luftarake evropiane, italiane, franceze, gjermane, britanike dhe spanjolle, munden tashmë të kontrollojnë me forcë, të inspektojnë, dekuestrojnë dhe shkatërrojnë anijet e përdorura nga trafikantët.
Rezoluta autorizon evropianët të inspektojnë në det të hapur përtej brigjeve libiane anijet që ata dyshojnë se janë përdorur nga trafikantët për dërgimin e imigrantëve drejt Evropës./ATSH