Ofensiva diplomatike e Vuçiqit, çfarë do të kërkojë më 11 nëntor nga Trump dhe Macron?
Ofensivë diplomatike e presidentit serb po cilësohen një varg takimesh që Vuçiq do t’i zhvillojë që nga shtatori me liderë të fuqishëm botëror.
Lajme
Ai më 11 nëntor do të qëndrojë në Paris ku do të festohet fitorja e aleatëve në Luftën e Parë Botërore.
Sipas gazetës serbe Blic, gjatë kësaj vizite Vuçiq do të takohet me presidentin e Amerikës, Donald Trump dhe atë të Francës, Emmanuel Macron.
Siç raporton kjo gazetë serbe, Vuçiqi do të synojë që ta zbusë qëndrimin e Amerikës dhe të Francës ndaj Kosovës, transmeton lajmi.net.
“Qëndrimet nga Uashingtoni dhe Parisi megjithatë janë zbutur, dhe është e nevojshme që të arrihet një kompromis”, thotë një burim i Blicit.
Madje këto burime spekulojnë se Merkel gjatë takimit me Putinin i ka thënë se “kufijtë në Ballkan nuk duhet të ndryshojnë”.
Ofensiva diplomatike e Vuçiqit pritet të nisë që nga fundi i shtatorit, pas një vizite që është paralajmëruar edhe në Kosovë.
Madje është raportuar se Vuçiq do të takohet edhe me presidentin rus, Putin dhe liderin e Kinës.
“Në fillim të muajit shtator ai do të flasë me serbët në Kosovë, e pastaj do të udhëtojë në Bruksel për ta vazhduar dialogun me Kosovën. Megjithatë është e qartë se zgjidhja kërkon mbështetje nga shtetet e mëdha”, thonë tutje burimet.
Afat optimal për arritjen e një zgjidhje finale ndërmjet Kosovësd dhe Serbisë, është përmendur pranvera e vitit 2019. /Lajmi.net/