Obama Rusisë: Largojini trupat nga kufiri me Ukrainën
Presidenti amerikan Barak Obama, i ka bërë thirrje Rusisë që të tërheqë trupat e saj nga zona e kufirit me Ukrainën, dhe të sillet si një “qytetar i përgjegjshëm ndërkombëtar”. Këtë thirrje ai e ka bërë gjatë një interviste për CBS.
Bota
Barack Obama tha se trupat ruse po qëndrojnë pranë kufirit me Ukrainën, me arsyetimin se aty po bëjnë stervitje ushtarake.
Këto trupa, sipas Obamës, duhet të kthehen prapa.
Obama e ka inkurajuar Rusinë që të nisë një dialog me Ukrainën, pas tensioneve që kanë qenë, që nga koha e përmbysjes së presidentit Viktor Yanukovych në shkurt të këtij viti.