“Në emër të popullit amerikan, uroj popullin e Ukrainës për mbajtjen e zgjedhjeve të suksesshme parlamentare më 26 tetor”, thuhet në kumtesën e presidentit Obama.

Më tutje ai ka theksuar se votimet e djeshme paraqesin “një tjetër kthesë madhore në zhvillimin demokratik të Ukrainës”.

Obama ka shkruar se “është e qartë se autoritetet e Rusisë, që e okupuan Krimenë, dhe separatistët e mbështetur nga Rusia në pjesët lindore të Ukrainës, i kanë parandaluar shumë shtetas ukrainas nga ushtrimi i së drejtës së tyre demokratike për të marrë pjesë në zgjedhjet kombëtare dhe për të votuar”.