Obama: Hiroshima, shembulli më i mirë për një botë pa armë bërthamore
Presidenti amerikan, Barak Obama, i cili po viziton Hiroshimën në Japoni, ka thënë se sulmi që ndodhi në këtë qytet, nuk duhet të harrohet asnjëherë, por duhet të qëndrojë në memorien e të gjithëve, si një motiv për të ndërtuar një të ardhme më të mirë, duke bërë përpjekje për një botë pa armë bërthamore.
Bota
Ai ka thënë se fjalët nuk mund të përshkruajnë dhimbjen e shkaktuar nga ato sulme, por sipas tij, të gjithë kanë përgjegjësi për të parë historinë në sy dhe për të parandaluar vuajtje të tilla në të ardhmen.
Obama u bë presidenti i parë në detyrë që vizitoi Hiroshimën 71 vjet pas sulmit me bombë bërthamore, që u mori jetën qindra mijëra personave, transmeton Kp.