“Nusja jonë” nga Nita Deda e Yll Çitaku në Montreal
Në Montreal të Francës do të shfaqet filmi i shkurtër “Nusja jonë”, nga Nita Deda e Yll Çitaku, në kuadër të projektit “Future Perfect”, organizuar nga qendra Dazibao në këtë qytet.
ShowBiz
“Future Perfect”, është ekspozitë që ka përzgjedhur filma të shkurtër dhe video nga Ballkani, që shfaqin histori që me apo pa vetëdije imitojnë prototipin e vuajtjeve dhe shprehen vetëm në kohën e kaluar dhe njëkohësisht përshkojnë të ardhmen.
Çdo video përmban një dozë të evokimit melankolik, veçanërisht të asaj që pushon ose nuk ekziston më, duke transformuar kështu veprat e artit në vëzhgues të realitetit që vazhdimisht ndryshon.
Pjesë e ekspozitës janë artistë nga Ballkani, duke përfshirë Ana Bilankov nga Kroacia, Bashko Bosković nga Serbia, Sandra Dukić nga Kroacia, Gordana Macanović nga Bosnja e Hercegovina, Renata Poljak nga Kroacia, Kamer Şimşek , Nita Deda dhe Yll Çitaku nga Kosova.
“Nusja jonë”, është video fasionuese e punuar nga Nita Deda dhe Yll Çitaku, me të cilën ata ishin pjesë e projektit “One day on Earth”, që kishte për qëllim dokumentimin e një dite kudo në botë. Kjo video tregon zbukurimin e nuses dhe është bërë në fshatin Lubinë.
Ekspozita do të jetë e hapur nga 4 dhjetori i këtij viti deri më 7 shkurt 2015. /kosovalive360