Nuk keni për ta besuar se me cilin shtet e ngatërrojnë amerikanët Shqipërinë

Na ndan një oqean i tërë dhe disa orë diferencë, por duhet ta pranojmë se amerikanët nuk qenkan të mirë në Gjeografi dhe s’dinë ta përdorin atlasin. Ndoshta ngaqë vetë Amerika është shumë e madhe dhe kanë shumë shtete për të eksploruar.

Fun

07/08/2017 15:30

GoCompare Travel krijoi një hartë interaktive për të provuar se sa mirë qytetarët britanikë dhe amerikanë e njohin Evropën, dhe rezultatet ishin paksa shqetësuese. Sllovakia dhe Shqipëria rezultuan si vendet më të vështira për t’u identifikuar nga amerikanët – me shtatë për qind të tyre që ngatërronin Shqipërinë për Britaninë.

Nga një kampion prej 1,000 personash, një në 10 banorë britanikë nuk ishin në gjendje të identifikonte Irlandën në atlas! Sikur kjo të mos jetë mjaft alarmante, 4 për qind e popullsisë britanike mendojnë se Irlanda është Danimarka, ndërsa 2 për qind e kanë ngatërruar Islandën e Emeraldit për Islandën.

Sllovakia ishte vendi më i vështirë në Evropë për t’u identifikuar. Një e treta (38 përqind) arriti të identifikojë vendin e Evropës Lindore ndërsa 33 përqind e mendoi për Hungarinë.

Një e pesta (21 përqind) mendonte se Sllovakia ishte Letonia, ndërsa tetë për qind e mendonin për Zvicrën.

Qytetarët e Shteteve të Bashkuara ishin në të vërtetë shumë më keq kur vinte puna në identifikimin e vendeve evropiane në një hartë. Mesatarisht, të anketuarit britanikë gjetën 65 përqind të pyetjeve në krahasim me mesataren amerikane, e cila ishte vetëm 49.6 përqind. /Lajmi.net/