Nuk ka nevojë për zgjerim sanksionesh ndaj Iranit
Zëvendëspresidenti amerikan, Joe Biden i ka kundërshtuar thirrjet për më shumë sanksione kundër Iranit, lidhur me programin e tij atomik, duke thënë se “kjo nuk është kohë për të rrezikuar dështim, kur ne ende kemi rast për kthesë”.
Bota
Më tutje, gjatë fjalimit të tij më Institutin Brookings në Washington, mbrëmë vonë, ai theksoi se sanksionet tashmë të imponuara kundër Iranit janë funksionale, duke e ngadalësuar ekonominë iraniane dhe programin bërthamor të këtij vendi.
“Kjo na jep ne nxitje për zgjidhje paqësore”, tha Biden, transmeton REL.
Irani dhe 6 fuqitë botërore, gjatë bisedimeve muajin e kaluar në Vjenë, dështuan të zgjidhin mospajtimin 12-vjeçar lidhur me ambiciet atomike të Teheranit. Megjithatë, ata i kanë zgjatur negociatat edhe për shtatë muaj të tjerë për arritjen e kësaj marrëveshjeje, që është vlerësuar se do të ishte historike.