Në shkurt të vitit 2014, WhatsApp mburrej që kishte 450 milionë përdorues në muaj. Në tetë muaj kjo shifër është rritur në mbi 600 milionë, duke u bërë kështu aplikacioni më i popullarizuar në tërë botën.

Në nëntor të vitit 2014, kompania filloi një bashkëpunim me Whispersystems.org për të ofruar një siguri të plotë. 3 muaj më pas, çdo kush mund të spiunonte çdo kënd tjetër duke e përdorur atë që u krijua nga ky bashkëpunim, transmeton Lajmi.net.

Sistemi i WhatsApp siç duket nuk është vjedhur dhe nuk ka informata të përdoruesve që mungojnë. Ky nuk është ndonjë hakerim apo ndonjë shfrytëzim por është një thyerje.

Aplikacioni duket i ngjashëm me WhatsApp në pamje dhe është krijuar nga studenti Maikel Zweerink, një holandez i cili studion Sigurinë Kibernetike. Ai përmes këtij krijimi ka dëshiruar të tregojë se WhatsApp nuk është aq i sigurt dhe ka disa mangësi, transmeton Lajmi.net.

WhatsApp Spy shfrytëzon dhe ekspozon problemet më të mëdha me privatësinë e WhatsApp. Zweerink thotë: “WhatsApp Spy është një aplikacion i orientuar nga webi dhe mund të gjurmojë çdo lëvizje të dikujt që e keni në listën e kontakteve. Ky aplikacion është një dëshmi se WhatsApp nuk është i sigurt”.