Njihuni me gruan 210 centimetra të gjatë, që dikur e fyenin duke e quajtur “Godzilla” (Foto)
Një grua shumë e gjatë të cilën dikur e tallnin dhe fyenin duke e quajtur përbindësh dhe “Godzilla”, më në fund ka mësuar ta dojë veten dhe për këtë tani po shërben si frymëzim për të tjerët.
Fun
Aly Stosz qysh kur ishte vetëm 12-vjeçe ishte 192 centimetra e gjatë, dhe ndihej e ofenduar nga shokët dhe shoqet e shkollës që vazhdimisht e fyenin dhe talleshin me të, transmeton Telegrafi.
Por 27-vjeçarja e cila sot është 210 centimetra, thotë se industria e modës i ka ndihmuar ta dojë veten.
“Shokët dhe shoqet e klasës vazhdimisht talleshin me mua duke më quajtur përbindësh dhe Godzilla”, gjë që më kishte shkaktuar ankth, ka deklaruar ish-modelja nga New York-u.
Karriera e saj si modele kishte marrë fund kur u rrëzua dhe theu nyjën e këmbës, derisa po e mbante në shpinë një burrë më të vogël se ajo.
“Isha duke ecur rrugëve me një mashkull që e kisha në shpinë që peshonte mbi 90 kilogramë, ku papritmas mu thye taka e këpucës gjë që më kushtoi shtrenjtë, pasi përfundova e rrëzuar për tokë dhe me nyjën e këmbës të thyer”, ka shtuar ajo.
Por ajo thotë se tani ndjehet më e fortë dhe e bukur, dhe se nuk shqetësohet lidhur me atë se çfarë mendojnë të tjerët për të kur e shohin duke ecur nëpër rrugë.