Sistemi i ri është zhvilluar nga një ekip hulumtuesish nga Universiteti i teknologjisë, Toyohashi, në Japoni, i cili mund të lexojë mendjen e njerëzve përmes valëve të trurit.

Për të testuar këtë teknologji, pjesëmarrësit në studimin e këtij sistemi janë pyetur të thonë numra me zë të alrtë dhe kanë përdorur robot që të hamendësojnë çfarë kanë thënë ata në kohë reale, bazuar në leximet e skanimit të trurit të elektroencefalogramit (EEG).

Pajisja ka qenë në gjendje të arrijë saktësi në 90 % të njohjes së numrave nga zero deri në nëntë, dhe shkallë saktësie prej 61 % për të deshifruar disa rrokje të vetme në japonisht.

“Deri tani, dekodimi i fjalëve nga sinjalet EEG ka pasur vështirësi në grumbullimin e të dhënave të mjaftueshme për të lejuar përdorimin e algoritmeve të fuqishme të bazuara në ‘të mësuarit e thellë’ ose lloje të tjera të mësimit të makinës”, njoftoi në një komunikatë për shtyp Universiteti i Teknologjisë Toyohashi.

“Grupi i hulumtimit ka zhvilluar një kornizë kërkimi të ndryshme që mund të arrijë performancë të lartë me një set të vogël të të dhënave të trajnimit.”

Pavarësisht se pajisja është vetëm pjesërisht efektive, ekipi është optimist për rezultatet. Ata po ecin përpara për të zhvilluar një ndërfaqe kompjuterike të trurit që mund të përkthejë në mënyrë efektive mendimet në fjalë të dëgjuara. Përfundimisht, ata shpresojnë të integrojnë teknologjinë me një aplikacion smartphone, të cilin ata thonë se mund të jetë gati në vetëm pesë vjet, shkruan futurism, transmeton lajmi.net

Kjo lloj teknologjie nuk është vetëm novelë, por gjithashtu ka potencial për t’u mundësuar njerëzve të hendikepuar që kanë humbur aftësinë për të folur të jenë në gjendje të komunikojnë përsëri, përfshirë ata që vuajnë nga paraliza për shkak të kushteve të ndryshme neurologjike si ALS, goditje ose spinale, dëmtimi i kordonit. Ndërsa shumë teknologji të tanishme mbështeten në aftësinë e përdoruesit për të lëvizur gishtat ose sytë për të përcaktuar fjalët, kjo teknologji do të anashkalojë lëvizjen krejtësisht dhe gjithashtu mund të mundësojë komunikim më të shpejtë.

Synimi gjithashtu është të zhvillohet një ndërfaqe kompjuterike që mund të implikohet në tru, për të përmirësuar inteligjencën njerëzore. /Lajmi.net/