Një luftëtare kurde kryen sulm vetëvrasës ndaj ISIS-it, vret disa xhihadistë
Një luftëtare kurde ka kryer një sulm vetëvrasës me bombë kundër xhihadistëve të Shtetit Islamik, jashtë qytetit kufitar të Kobane, ka thënë një monitorues.
Bota
Organizata Observatori Sirian për të Drejtat e Njeriut, e cila e bënë të ditur lajmin, thotë se bëhet fjalë për sulmin e parë kamikaz me prejardhje kurde kundër xhihadistëve të ISIS-it.
Observatori sirian për të Drejtat e Njeriut tha se gruaja shpërtheu veten në një pozicion të ISIS në lindje të qytetit, duke vrarë një numër i xhihadistëve që kanë rrethuar Kobane dhe po luftojnë për të kapur atë, transmeton lajmi.net.
ISIS ka përparuar në tentimin për të pushtuar Kobane, qyteti i tretë më i madh kurd në Siri.
Luftimet përreth qytetit, kanë shkaktuar një eksod masiv të refugjatëve të cilët po kalojnë në Turqi. (lajmi.net)