Studimet në Harvard zbuluan se femrat që pinin alkool në sasi të moderuar reduktonin rrezikun për obezitet dhe mbanin një peshë konstante. Studimet në Uashington zbulua se në verën e kuqe gjendej përbërësi Resveratrol, që prodhonte qeliza yndyre të shëndetshme dhe ndihmonte për të humbur peshë duke djegur yndyrat e pashëndetshme. Gjithashtu universiteti i Danimarkës ka bërë një tjetër studim me minjtë femra dhe ka rezultuar se rrushi jo vetëm që ndihmonte në rënien në peshë, por mbante të ulët nivelin e sheqerit në gjak.

Resveratroli është studiuar më vete dhe prej tij ka shumë përfitime shëndetësore. Kështu që vera ju ndihmon të humbni peshë, mbron sistemin kardiovaskular, ul presionin e lartë të gjakut, ul kolesterolin, rrit ndjeshmërinë e qelizave të insulinës, ul rrezikun e diabetit dhe ndihmon në përmirësimin e funksionit mendor.

Duhet të dini që edhe pse vera përmban Resveratrol, nuk duhet ta tejkaloni masën sepse ka shumë kalori dhe mund të dëmtoni mëlçinë. Madje pirja e tepruar mund të rritë presionin e gjakut dhe sheqerin në gjak. Konsumimi i rregullt i verës përpara se të flini mund të jetë i dobishëm për njerëzit që duan të humbin peshë dhe në të njëjtën kohë nuk do t’u mungojnë përfitimet e tjera shëndetësore./living