Nga shërbyes çaji, në “VIP” i rrjeteve sociale (Foto) – Lajmi.net
Nga shërbyes çaji, në “VIP” i rrjeteve sociale (Foto)
Autori: Lajmi.net EntertainmentRrjetet SocialeShowBiz 23:38, 20 October 2016
Nga shitës i thjeshtë çaji në një treg të Islamabadit, 18-vjeçari Arshad Khan u kthye brenda natës në sensacion të internetit, kur fotoja e tij u përhap me shpejtësi marramendëse pas hedhjes në Instagram.

Pamja e të riut ka mahnitur shumë njerëz, por modestia e tij kalon çdo kufi.

“Sot në mëngjes e mora vesh që isha shumë i bukur. Nuk e dija. Kanë ardhur plot njerëz që më bëjnë fotografi e më regjistrojnë me kamera”, tha Arshad Khan.

I riu shtathedhur, me sytë bojëqielli, është i kënaqur nga vlerësimi, por edhe i hutuar nga vëmendja e jashtëzakonshme që vërshoi kaq papritur mbi të.

“Në fillim u ndieva mirë, por pastaj filluan të vinin shumë njerëz e të bënin fotografi. Nuk e di deri ku mund të shkojë e gjitha kjo dhe nisa të shqetësohem. Madje edhe u mërzita në një moment se nuk po e kuptoja ç’ishte gjithë kjo rrëmujë”, tha Arshad.

Katapultimi i beftë i Arshadit drejt famës erdhi kur fotografi Jiah Ali hodhi në Instagram një foto të tij duke shërbyer çaj në një tezgë të “Sunday Bazaar”, në kryeqytetin pakistanez. Pamja e tij ishte një hit i vërtetë e tërhoqi me mijëra pëlqime.

Familja e 18-vjeçarit jeton në Islamabad prej 25 vitesh. Khan i përket grupit etnik “Pashtun”, që jeton kryesisht në Pakistan e Afganistan, e disa prej njerëzve të tij i ka me lëkurë të çelët dhe sy me ngjyrë të hapur./ Top Channel

Fotolajm

Pandat gjigante mbushin 1 vjeç në Makao
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO
 

Lojëra

  • Play Rock Wheels
  • Play iStunt 2
  • Play Berry Rush
  • Play Stealth Sniper