Prishtina Weather parashikon se nga dita e nesër fillon një fazë e përkeqësimit të motit, ku pritet të ketë të reshura shiu, e që vende-vende dhe kohëpaskohe mund të jenë më intenzive.

“Nëpër lokalitete përgjatë rrjedhave të lumenjëve më të mëdhenj ka mundësi edhe për vërshime. Era do të fryejë nga juglindja 4-9m/s, e në mbrëmje do të fryejë veriu 2-4m/s. Gjatë natës reshjet e shiut pritet të përzihen edhe me borë. Temperaturat maksimale të dielen do të zbresin në 8C”.

Sipas këtij parashikimi përkeqësimi i motit do të thellohet nga e hëna dhe e marta.

“Të hënën masat e ftohta ajrore do të depërtojnë më tutje, dhe të reshurat pritet të vazhdojnë edhe gjatë ditës së hënë dhe të martë. Në orët e hershme të mëngjesit dhe gjatë natës do të ketë edhe reshje bore. Temperaturat të hënën e të martën do të zbresin në 4C deri 5C, e minimalet në 0C deri 2C. Era do të fryejë nga veriperëndimi 3-10m/s”.

“Nga dita e mërkurë do të mbajë mot kryesisht me vransira, por edhe me intervale me diell, e vende-vende priten edhe reshje të dobëta shiu, e gjatë orëve të mëngjesit edhe reshje bore. Temperaturat do të jenë në ngritje të lehtë në 7C deri 10C, e ato minimale do të zbresin deri në -1C. Era do të fryejë kryesisht nga veriu 4-9m/s”.