Neymar ka zbuluar se do të rikthehet në aksion në trofeun Joan Gamper Trophy, në ndeshjen kundër Leon, që do të zhvillohet më 18 gusht.

Braziliani pësoi lëndim në kurriz gjatë Botërorit, në fitoren në çerekfinale ndaj Kolumbisë, duke mbetur jashtë për dy duelet tjera ndaj Gjermanisë dhe Holandës.

Sidoqoftë, ai shpreson që të rikthehet në fazën përgatitore më 5 gusht, para ndeshjes së lartpërmendur.

“Jam duke u rikthyer dalëngadalë nga lëndimi. Do ta jap për Barcelonën 100 për qindëshin”, deklaroi futbollisti brazilian.

“Dua ta kem një sezon të mirë dhe mezi pres t’i ndihmoj bashkëlojtarët që të arrijmë rezultate të mira”, vazhdoi ai.

“Gjithashtu, dua të kontribuoj edhe për ekipin kombëtar. Kam besim se mund të luaj në ndeshjen e Gamber më 18 gusht”, përfundoi ish futbollisti i Santosit.