New York: Vazhdojnë protestat për vrasjen e afro-amerikanit
Në shumë qytete në Shtetet e Bashkuara, për të tretën ditë me radhë, kanë vazhduar protestat lidhur me vendimin e Jurisë së madhe në New York, për të mos e akuzuar policin e bardhë për vrasjen e një personi afro-amerikan të paarmatosur.
Bota
Këto protesta shpërthyen më 3 dhjetor, pas vendimit që të mos akuzohet një polic, i cili me shtrëngim me duar në qafë e vrau afro-amerikanin, Eric Garner.
Në New York demonstruesit marshuan në një qendër tregtare në qytetit, duke e ndalur trafikun.
Megjithatë, tensionet ishin të larta në gjithë Amerikën, për shkak të një vendimi të Jurisë së madhe të javës së kaluar, që të mos akuzohet një tjetër polic i bardhë për vrasjen e personit të zi të paarmatosur, Micheal Brown, 18 vjeçar, në Ferguson të Misurit.
Agjencia AP raporton se protesta në Nju Jork përfundoi kryesisht në mënyrë paqësore./REL/
